التدوين يا عم الحاج
التدوين يا عم الحاجكلمة من 5 حروف و متنساش تحط الالف و اللام
احتار الجميع فى توصيفها
فيه اللى يقولك يا بنى انت مش فاهم التدوين
و فيه اللى انت تقوله يابنى التدوين مش كده
و فى الحقيقة التدوين كما أراه بعد فترة توقف للتفكير
و تحديد هل سأستمر فى عالم التدوين ام اتركه بلا عودة
اكتشفت ان التدوين يستخدمه الكثيرون فى الفضفضة فقط
و كان السؤال ياترى التدوين بالنسبة لمحمد جودة
ممكن يكون كده ؟؟؟؟
فى الحقيقة لقيت الاجابة مستحيل و مش ممكن
لأنى أصلا قلما و نادرا ما افضفض
دايما بشيل فى قلبى و بسكت
يا قلبى يا كتاكت ياما أنت شايل و ساكت
فالتدوين بالنسبة لى مينفعش فضفضة
فالتدوين بالنسبة لى مينفعش فضفضة
100 %
طيب ممكن يكون ايه ؟
سؤال تانى يا محمد طيب أنت هدفك ايه من التدوين ؟
عايز الحق أنا دخلت التدوين من غير هدف واضح
طيب و ده يصح
طبعا لأ
لأنى اخترت لحياتى انى معملش حاجة من غير هدف سواء
كان عائده لى أو لغيرى
و علشان كده لازم أعمل وقفة مع نفسى
و كانت الوقفة دى
.....
لما كان التدوين هو الصحافة الالكترونية
فهذا يعنى ان المدونات ضمير مجتمع و ضمير مدون
و عليه كان ضرورى ان تكون لدى أهداف و أحلام فى التدوين
اخترت الأهداف
و منها
إذا لم يخدم التدوين التدين و التمدن فلا ضرورة لوجود هذا العالم
و جارى الاعداد لتنفيذه
posted by ba7re at
5:08 AM
3 Comments:
ربنا يوفقك يا عم المدون
هو انا حفضل مستني كتير ولا ايه؟؟؟
بصراحه التدوين لو يعني الصحافه الالكترونيه يبقي لازم كلنا نغي اتجاهتنا ونخدم الصحافه وده صح لان مينفعش الواحد يفضل في العالم بتاعه لوحده
علي فكره انا مدونتي مالهاش علاقه بالصحافه خالص
انا اول مره ازور مدونتك وياريت تزورني
Post a Comment
Subscribe to Post Comments [Atom]
<< Home