بين نخلتين
بين نخلتين على شط بحرى
نسجت خيوط و عملت سرير
قولت استرخى شويه
و أتامل فى جمال الكون
و لأن الجو جنان
عينى غفلت يا جدعان
و ده خلانى زعلان
تفتكروا ليه ؟
لانى حلمت كتير احلام
حلمت انى صاحب المكان
و النخلتين خدام
و حياتى كلها أنغام
و حلمت بيها
حورعين
زوجة فى الدنيا
و ليه مش ممكن
ايدي فى ايدها
ندخل الجنة بحبنا لبعض فى الله
و حلمت انى بحكم البلاد من الشرق للغرب
و بمشى وسط الناس فى عز الضهر من غير حراس
و لا كرابيج
و حلمت ان اصحابى كل واحد فى مجاله عظيم
و شفت ولادى صالحين بيدعولى
سامعهم بيقولوا الله يرحمه عرف يربينا
و شفت جنازتى و الناس بتودعنى
و الحزن فى قلوبهم قد العين
و سمعت العالم بيحكى قصصى
و بيتى فيلا
فى قلب البلد
بقت متحف
مليان قصاقيص ورق
بتحكى امالى و احلامى
حتى آلامى
و نضارتى و الام بى 3 بتاعى
شايفهم بعينى هناك
و صحيت من الحلم على صوت
كروان
بحب صوتك بس مش وقتك
تصحينى من احلامى و لسه
قدامى كام حلم و كام سؤال
عايز اعرفهم
شفت الشريط بس ناقصه احداث
هسيبك يا زمان تكملها لى
بس بلاش من الاحزان
و يارب تكون الاحلام دى مش اوهام
لانها كلها فى طريق رضاك
زعلت لانى صحيت
لقيتنى فى الواقع مفيش جديد
و لسه فى أول الطريق
يارب هون و سهل المشوار
=====
نفسى اعيش يوم بالشكل ده على شط البحر
posted by ba7re at
5:48 AM
6 Comments:
يارب تنول كل أحلامك .. مافيش حاجة بعيدة عن ايدينا لو بجد عايزين .. ولو الحلم ده مش ليك مكنتش حلمته .. تستاهل كل الخير لأنك تستحقه ..
أولاً حمد الله على السلامة
المدونة كانت واقعه من عندي وبتوديني على صفحة تانية مش عارفة ليه
ثانياً .. ده مش حلم يا خايف .. ده واقع إن شاء الله بأيدك أنك تمشي وتبتدي في تحقيقة وحده وحده
مدام قدرت تحلم وتخطط في الحلم مش ناقص غير أنك تسعى وتبدأ على أرض الواقع
وعلى فكرة حالياً بقرأ كتاب جميل قوي اسمه " مائة طريقة لتحفيذ نفسك "
أول طريقة أنت أهو بتنفذها على طبيعتك ...
كمل طريقك وربنا يعينك ومعاك
ويوفقك وتحقق كل أحلامك
***************
منتظرة ردك على تدوينة " العدالة والحق .. أين يلتقيان ؟؟ "
استشارة قانونية بصفتك محامي .. عاوزين رأي خبير
روزا :
ثانكسات على كلامك الجميل ده
و ربنا يكرمك يارب و تحققى كل احلامك
و مش بخبى عليكى فترة الحداد اللى كنا معلننها فى مدونتنا اكتر حاجة كنا مفتقدينها مدونتك
شكرا :)
كايند
الله يسلمك
هو المدونة مش كانت واقعة
اصلى كنت بلعب فيها شويه
و فجأة الدنيا ضلمت بس الحمد لله
رجعت سليمة
و ان شاء الله بسعى لتحقيق احلامى دى
و على فكرة قريت الكتاب ده و تحفة و بنصح اى حد انه يقراه
============
تم الرد على التدوينة الجميلة بتاعتك
بس مش بصفتى القانونية خالص
و ربنا يكرمك و تحققى كل احلامك
:)
shofly serer zayo 3al nakhla ely gnbak de :D ana b7b el ba7r awy .. w a7lam 7elwa w gamila :D ya rab tet72a2
~ Bato0ot ~ :
كل سنة و أنت طيبة اولا
و على فكرة اللى بيحب البحر
لو ركز مع البحر و هو بيتعامله هيحس
قد ايه البحر بيحبه
و ان شاء الله تحققى كل احلامك
و ثانكس :)
Post a Comment
Subscribe to Post Comments [Atom]
<< Home