بحرى أنا: رحلة راحة

Thursday, April 5, 2007

رحلة راحة

الاسبوع ده كان برغم الاحداث اللى مريت بيها
كان اسبوع من الاسابيع الجميلة فى حياتى
بدأ يوم الجمعة بتجمع و لا اجمل و لا احلى
بجد حسيت بعده براحة نفسية جميلة
======
و بعدين جاتلى دعوة جميلة فى خالد اكزوتك ماتر
اللى مسجل مدونته عندى باسم فلكاوى
علشان اصاحبه فى رحلة نشوف فيها
جمال الكون
المهم اللى شوفته مخلينى اردد
لحد دلوقتى
سبحان الله
سبحان الله
سبحان الله
على فكرة انا شفت منظر شبه الصورة دى بالظبط
بجد بجد
يا سبحان ربى العظيم
سبحان ربى العظيم
شكرا خالد
اخيرا شفت التناسق الرهيب بنفسى :)
=======
المهم
النهاردة هعمل حاجة جديدة جدا
حاجة بسميها جلسة راحة
كنت بعملها من فترة على البحر بعد 12 بليل
بس ممكن تعملها فى الاوضة بتاعتك فى البيت
المطلوب
اطفى النور خالص
استرخى على الارض
اه على الارض اسمع كلامى بس
هتدعيلى و الله
و شغل سورة الشعراء و سورة الرحمن على الترتيب
بصوت مشارى راشد
لازم الترتيب و لازم صوت مشارى
اه لازم
بس بشرط انك تفضى دماغك و تبقى صافى الذهن
هتحس بعد الجلسة دى انك مولود من جديد
بس اوعى تفكر فى حاجة خالص و انت فى الجلسة مش هيبقى ليها لزمة
الجلسة دى متجربة و مريحة جدا جدا للنفس

14 Comments:

فوكيره said...: ياااااااااااا رب

ياااااااااااااااااا رب

اخوض التجربه دى

زي ما حلمت بيها بتفصيلها

على فكره يا جوده

من ساعه ما قرات عند اول حد استورم
ثم خالد ثم عندك
وانا بقول سبحنك يا رب
من قبل حتى ما اشوف على الطبيعه الى شوفته في الصور وحلمت اشوفه بجد
من اكتر من 5 سنين

سبحانك يا رب

حلوه جلسه الاسترخاء دي

احنا بنعملها في الكليه لما بنخلص على الساعه 5 او 6 نجري على الجامع
نسترخى ونستنى الصلاه; April 6, 2007 at 6:08 AM
~ Bato0ot ~ said...: :D allah 7ewla awy galset el ra7a de bas eshm3na soret el ra7man w soret el sho3ra2?; April 6, 2007 at 11:37 AM
زحل الفلكي said...: حلوة حكاية جلسة الاسترخاء دي

ممتعة; April 6, 2007 at 3:25 PM
raspoutine said...: ربنا يكرمك يا محمد يا رب وشكرا على النصيحة الغالية دى
كلام ربنا سبحانه وتعالى بيريح البال والفكر المشغول بس لو ادينالو حقه بجد ومش مهم مين الشيخ المهم انك تكون بجد مع ربنا فى اللحظة دى لانها بتكون من اجمل اللحظات

تحياتى ليك; April 6, 2007 at 8:48 PM
Ahmed EIssa said...: نجرب..فيها ايه يعني
ايه بقي الرحلة دي عشان اعرف اديلك رايي مظبوط؟; April 7, 2007 at 2:12 AM
أنا أفكر إذن أنا موجود said...: إن شاء الله
نخوض التجربتين قريباً جداً
تجربة الرحلة إلى الفضاء
وتجربة جلسة الأسترخاء ..; April 7, 2007 at 7:25 AM
3lool said...: فعلا عندك حق لحظه استرخاء وتامل بتبقي احلي من اي متعه

بوست جميل

تحياتي; April 7, 2007 at 7:02 PM
ba7re said...: جوسى
شكرا ع مرورك
و اتمنى لكى بكل صدق الرحلة دى
هتعجبك جدا
و ان شاء الله تتحقق قريب; April 17, 2007 at 5:59 PM
ba7re said...: ~ Bato0ot ~:
الجلسة محطوط بشكل معين
لمخاطبة القلب
بين وصف عذاب الكافرين و وصف ثواب المؤمنين
و بصوت مشارى راشد لان فى سورة الشعراءبيبكى فى وصف العذاب المعد للكافرين و بعدها تحسى برغبة و هو بيقرأ فى جزاء الصالحين
بس بكائه بيهيى القلوب للتقبل
و انها تكون مستعدة تتغسل
اما سورة الرحمن ففيها تسبيح لا ياهيه تسبيح
و تعمق فى معرفة فضل الله علينا
و لما تجربيها بنفسك بنفس الفكرة هتدعيلى
شكرا :); April 17, 2007 at 6:03 PM
ba7re said...: زحل الفلكي
هى فعلا جميلة جدا
و على فكرة فى جلسات زيها للمجموعات
لو تحب نعمل جلسة منهم
و اشوفك على خير :); April 17, 2007 at 6:04 PM
ba7re said...: raspoutine :
يشرفنى زيارتك لمدونتى لاول مرة
و ده اضافة ليها طبعا
عند حضرتك حق فعلا مش مهم الشيخ مين
المهم نكون مع ربنا
بس الخلسة لما يكون الانسان مش ملتزم اوى
يفضل انها تكون من شيخ زى مشارى راشد
على فكرة احب قراءة اسمعها
هو صوت عبدالباسط عبدالصمد; April 17, 2007 at 6:07 PM
ba7re said...: أحمد عيسي :
مش معقول يا عيسى كل لما تدخل مدونتى تبقى تايه كده
ههههه
مستنى تقولى نتيجة التجربة
سلام :); April 17, 2007 at 6:08 PM
ba7re said...: أنا أفكر إذن أنا موجود :
ان شاء الله يا كايند
ربنا يكرمك بتنفيذ الامرين
لانهم بيعمقوا الايمان بالله اوى
شكرا :); April 17, 2007 at 6:10 PM
ba7re said...: 3lool :
حضرتك مشرف مدونتى جدا
و منورها
و متفق مع حضرتك ان لحظة التأمل او الاسترخاء خاصة بالصورة دى
تساوى الدنيا و ما فيها
شكرا :); April 17, 2007 at 6:11 PM

Thursday, April 5, 2007

رحلة راحة

14 Comments:

About Me

Previous Posts