15دقيقة .. و زايت التروس يا معلم

النهاردة كنا فى يوم جميل

15 دقيقة .. بره الدايره

كان حلم لروزاليا و بعد كده تحول لحلم لينا كلنا

النهاردة بقى واقع

يمكن الكل مكانش متوقع النجاح الكبير ده

و الكل كان قلقان و حاطط ايده على قلبه

ألا أنا !!!!!!!

واحد ذكى يقولى ليه يا عم الأمور

أقوله أنا بقى

طقطق ودانك معايا

1+1 = كام

أنت هتشتغل يا أمور = 2 طبعا

تمام شطور

هو ده الحل

مكنتش قلقان لان مفيش نجاح بيجى من فراغ

مفيش حاجة بتحصل عشوائى

ربنا دايما بيوفق المجتهدين و بيمتحن المؤمنين

يمكن اللى قبل اليوم ده كان امتحان لايمانا بأفكارنا

هل الازمات هتقعدنا عن الجهاد لتحقيق أحلامنا و لا لأ

و كان 15 دقيقة .. لا تراجع و لا استسلام

كان الاعداد بخطوات صح و اكيد التنفيذ هو تطبيق للاعداد

فاكيد لو الاعداد متميز التنفيذ هيكون مميز

عارفين كمان ربنا بيدى لكل أنسان على قد نيته

فكل اللى شاركوا فى اليوم كان باين لى ان نيتهم

خير فى خير

مفيش حب شهرة أو ظهور مفيش طمع فى حاجة

الكل بيشتغل للشغل لحب النجاح

علشان كده كان الكل قلقان و أنا مش قلقان

بالنسبة لى

15 دقيقة .. فصل فى مشوار مشيته من زمان

و تصدقونى لو قولتلكم أنا مش عارف المشوار ده أخدنى على فين

مش عارف شويه خير و شويه صعاب

بس دايما فى كل شارع فى المشوار بتوكل على الله

و أمشى بعقلى و قلبى و احساس الاطمئنان

يمكن حاسس ان 15 دقيقة ده تزيت التروس بتاعتى

حسيت انها قربت تصدأ

و ان كنت مش راضى على ادائى بشكل كبير فى 15 دقيقة

لانى حاسس انى عندى اكتر من كده بكتير

بس اقدر اقول الحمد لله

و بلاش أطمع

أنا مكنتش أضمن ان التروس تشتغل تانى

المهم من الموضوع رسالة كل عضو فى فريق 15 دقيقة

اوعوا النجاح يجبلكوا غرور

النجاح اما مكافأة أو ابتلاء

فعايزين دايما نجاحنا مكافأة

و المكافأت مش بتيجى ألا من طاعة الله

و من طاعة الله ان نكون متحابين فى الله

و من التحاب فى الله ان نكون متسامحين

و من التسامح ان نتعاتب

و من العتاب تصافى

و من التصافى مودة

و من المودة طريق للحب فى الله

و للحديث بقية
تعمدت أعمل الموضوع دلوقتى علشان اسبقكوا كلكوا

( اموشن بيغيظهم )

شكرا خالص لمصمم صورة التدوينة : الرائع / أحمد البلاسى