الطريق الأصعب

حكايتى مع الحياة

تخلينى كل شويه اقول لنفسى

ماهو سهل اوى انى اعيش علشان اعيش

أكل و اشرب و اتجوز و اهرج و اجيب اولاد

يعيشوا نفس الحياة

و فجأة اسأل نفسى ليه اخترت الطريق الأصعب ؟

اخترته لانى مينفعش اعيش الحياة زى كائن

من كائنات القطيع

اللى بيتقالهم كلوا و ناموا

و مش عايزين دوشة لحد ما تموتوا

اخترت و ده اللى حصل

و اختيارى اللى هتحاسب عليه

و عاهدت ربنا انى مش هحيد عنه ابدا

من هنا

حلمى و طريقى همشيه للاخر

حتى لو موصلتش للبر

يكفينى شرف المحاولة

بس يقينى بالله انى هوصل

و مش مهم العوائق اللى بتتحط قدامى
و مهما كانت عواقب هذا الطريق

اخترته و حاسس انه الصح

و كل لما تزيد الصعوبات و قطاع الطرق

كلما ازدت ايمانا انى فى الطريق الصح

برغم انه صعب للاخر هكمله