بحرى أنا: بنى ادم فى الغسالة

Monday, September 15, 2008

بنى ادم فى الغسالة

الغربة غسالة
دوارة لفافة
تلف أيامك
تخلى سبتك تلات
و اكتوبر يناير

الغربة غسالة
دوارة لفافة
بتلف فى دماغك
افراحك و احلامك
سنين كمان بتلف
من كى جى 2 للأمس
و كلام فاضى و كلام مليان
و حب استنيته يرضى و هى مرضتش
و صحبة خير فى الخير اتصاحبوا
و عليه بيفترقوا
و ضحكة من جوه قلبى طالعة
مسمعتهاش من مدة
و اصحاب عمر مستنيى اشوفهم
لو تبطلى لف و لو لحظة
و لحظة صفاء على بحر
محروم منه
ده أنا فى غسالة من غير ميه

الغربة غسالة
دوارة لفافة
بتلف بعمرى
ياتخده يااخده
و الحرب بينا اهى دايرة
متدوس استوب يابنى
وقفها و نزلنى
يمكن تريحنى

الغربة غسالة
دوارة لفافة
بتلف و تقلب وشوشكوا قدامى
ملامحكوا وحشانى
ضحتكوا وحشانى
و كلامكوا فى ودانى

الغربة غسالة
دوارة لفافة
بتلف و تقلب فى مواجع حاولت انساها
لحظة فراق فاتت
و قصة حب ماتت
و ورقة فى كشكولى
اتقطعت قبل كلامى
و النظرة هى الدوا
و الكلمة تبقى الشفاء
و لمتكوا شبابى
و البعد شيخوخة ايامى
و الحضن بلدى
و السعادة سكوت وقت لما تعوز
مش صمت لان مش لاقى كلامتى
و الذكريات رنة موبيلى من حد قاعد جوه قلبى

الغربة غسالة
دوارة لفافة
بتلف و نلف
و الأيام بتلف
و التايمر فى أدينا
و يارب منطولش

رجاء لكل من يقرأ هذا البوست
من فضلك دوس استوب على الغسالة قبل ما تدخل كومنت
علشان متغرقش مدونتى

Labels: محدش يستغرب دى أعراض طبيعية لمغترب سعيد :(

6 Comments:

ojg said...: أول كومينت
:))
شوف يا صاحب الغسالة
الغربة أقسى منها مفيش
بس هنعمل ايه
عندك حلول أخرى؟
مجبر أخاك لا بطل
:(
بوست حلو
وعجبني التشبيه بالغسالة
:); September 16, 2008 4:05 PM
Anonymous said...: في خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html; September 17, 2008 8:43 AM
shiko said...: انتى يابنى انا مش عندك هناك ؟

غريبة مع انك معايا هنا

انتا يابنى مشيت وانتا موجود بتمنى بجد انك تكون سبتنا واحنا معاك

على سبيل الهزار :
ربنا يباركلك فى جيرارد والجيرل فريند بتاعته

ويخليلك ارشاد :)

يظهر ان الحقيقة ظهرت فى السعودية مع ان لا انا ولا الدكتور قولنا حاجه عن موضوع عمرووو خااااااالص:); September 17, 2008 10:58 PM
ba7re said...: وزة :
بقالك مدة مش بتزورى مدونتى
الفكرة يا وزة انى اخترت الغربة بمزاجى
علشان اتعامل مع ثقافات تانية
و الحمد لله انا مرتاح هنا
بس حسيت باحساس الغسالة ده
من لف الايام بسرعة مش اكتر; October 4, 2008 3:34 AM
ba7re said...: شيكو
انا فى الكلب يا مون امور
اكيد منستكوش

هسلملك على جيرارد
و ارشاد اجدع ناس :)
و سلام; October 4, 2008 3:35 AM
Anonymous said...: 希望大家都會非常非常幸福~
「朵朵小語‧優美的眷戀在這個世界上，最重要的一件事，就是好好愛自己。好好愛自己，你的眼睛才能看見天空的美麗，耳朵才能聽見山水的清音。好好愛自己，你才能體會所有美好的東西，所有的文字與音符才能像清泉一樣注入你的心靈。好好愛自己，你才有愛人的能力，也才有讓別人愛上你的魅力。而愛自己的第一步，就是切斷讓自己覺得黏膩的過去，以無沾無滯的輕快心情，大步走向前去。愛自己的第二步，則是隨時保持孩子般的好奇，願意接受未知的指引；也隨時可以拋卻不再需要的行囊，一路雲淡風輕。親愛的，你是天地之間獨一無二的旅人，在陽光與月光的交替之中瀟灑獨行 .............................................................................................................有時，你覺得痛。胃痛的時候，接受它，承認這個疼痛是你的身體的一部份，與它和平共處。心痛的時候，接受它，承認這個經驗是你的生命的一部份，與它和平共處。抗拒痛的存在，只會讓它更要證明它的存在，於是你就更痛。所以，.無論你有多麼不喜歡痛的感覺，還是要接納這個痛的事實。與你的痛站在同一邊，不逃避，不閃躲，不再與你的痛爭執，如此，你的痛才會漸漸不再胡鬧，才會乖乖平息下去。.................心願 -你許下了一個心願，你閉上眼睛，在冥想之中把這個心願交託宙給宇整個讓宇宙推動它全部的力 .量去執行 .，你看見星球與星球的引力牽繫著彼此，你聽見虛空與虛空 .唱裡著和妙美的聲音，為了你的心願，整個宇宙正在相互傳遞，然後你放下了心願，不僅是放下，最好你還把你的心願忘記，唯有如此，它才能脫離你，發展它自己，
當它在宇宙的遊歷結束之後，它自然會來到你身邊，以你曾經希望的方式回應你，許下，只是讓它發生，放下，才是讓它實現，你的心願使你懂得不能執著的奧秘; April 16, 2009 6:29 AM

Monday, September 15, 2008

بنى ادم فى الغسالة

6 Comments:

About Me

Previous Posts