بنى ادم فى الغسالة
الغربة غسالة
دوارة لفافة
تلف أيامك
تخلى سبتك تلات
و اكتوبر يناير
دوارة لفافة
تلف أيامك
تخلى سبتك تلات
و اكتوبر يناير
الغربة غسالة
دوارة لفافة
بتلف فى دماغك
افراحك و احلامك
سنين كمان بتلف
من كى جى 2 للأمس
و كلام فاضى و كلام مليان
و حب استنيته يرضى و هى مرضتش
و صحبة خير فى الخير اتصاحبوا
و عليه بيفترقوا
و ضحكة من جوه قلبى طالعة
مسمعتهاش من مدة
و اصحاب عمر مستنيى اشوفهم
لو تبطلى لف و لو لحظة
و لحظة صفاء على بحر
محروم منه
ده أنا فى غسالة من غير ميه
دوارة لفافة
بتلف فى دماغك
افراحك و احلامك
سنين كمان بتلف
من كى جى 2 للأمس
و كلام فاضى و كلام مليان
و حب استنيته يرضى و هى مرضتش
و صحبة خير فى الخير اتصاحبوا
و عليه بيفترقوا
و ضحكة من جوه قلبى طالعة
مسمعتهاش من مدة
و اصحاب عمر مستنيى اشوفهم
لو تبطلى لف و لو لحظة
و لحظة صفاء على بحر
محروم منه
ده أنا فى غسالة من غير ميه
الغربة غسالة
دوارة لفافة
بتلف بعمرى
ياتخده يااخده
و الحرب بينا اهى دايرة
متدوس استوب يابنى
وقفها و نزلنى
يمكن تريحنى
الغربة غسالة
دوارة لفافة
بتلف و تقلب وشوشكوا قدامى
ملامحكوا وحشانى
ضحتكوا وحشانى
و كلامكوا فى ودانى
الغربة غسالة
دوارة لفافة
بتلف و تقلب فى مواجع حاولت انساها
لحظة فراق فاتت
و قصة حب ماتت
و ورقة فى كشكولى
اتقطعت قبل كلامى
و النظرة هى الدوا
و الكلمة تبقى الشفاء
و لمتكوا شبابى
و البعد شيخوخة ايامى
و الحضن بلدى
و السعادة سكوت وقت لما تعوز
مش صمت لان مش لاقى كلامتى
و الذكريات رنة موبيلى من حد قاعد جوه قلبى
الغربة غسالة
دوارة لفافة
بتلف و نلف
و الأيام بتلف
و التايمر فى أدينا
و يارب منطولش
رجاء لكل من يقرأ هذا البوست
من فضلك دوس استوب على الغسالة قبل ما تدخل كومنت
علشان متغرقش مدونتى
posted by ba7re at
4:09 PM
4 Comments:
أول كومينت
:))
شوف يا صاحب الغسالة
الغربة أقسى منها مفيش
بس هنعمل ايه
عندك حلول أخرى؟
مجبر أخاك لا بطل
:(
بوست حلو
وعجبني التشبيه بالغسالة
:)
انتى يابنى انا مش عندك هناك ؟
غريبة مع انك معايا هنا
انتا يابنى مشيت وانتا موجود بتمنى بجد انك تكون سبتنا واحنا معاك
على سبيل الهزار :
ربنا يباركلك فى جيرارد والجيرل فريند بتاعته
ويخليلك ارشاد :)
يظهر ان الحقيقة ظهرت فى السعودية مع ان لا انا ولا الدكتور قولنا حاجه عن موضوع عمرووو خااااااالص:)
وزة :
بقالك مدة مش بتزورى مدونتى
الفكرة يا وزة انى اخترت الغربة بمزاجى
علشان اتعامل مع ثقافات تانية
و الحمد لله انا مرتاح هنا
بس حسيت باحساس الغسالة ده
من لف الايام بسرعة مش اكتر
شيكو
انا فى الكلب يا مون امور
اكيد منستكوش
هسلملك على جيرارد
و ارشاد اجدع ناس :)
و سلام
Post a Comment
Subscribe to Post Comments [Atom]
<< Home