يا ترى هماا حاسين بأيه بالظبط ؟
مفتكرش لما كنت فى سنهم كنت بحس بأيه ؟
علشان معرفش كانت الاجابة صعبة
نور و أحمد
أجمل حاجة فى حياتى دلوقتى
بحبهم جدا و فوق ما حد يتصور
يمكن أكتر من باباهم و مامتهم
كنت بتكلم مع اختى يوم الجمعة اللى فاتت
لما كنا بنلاعب نور و احمد بالمرجيحة
اختى سألتى السؤال
ياترى هما حاسين بأيه بالظبط ؟
يوم الجمعة اللى فات
نور و احمد كانوا بيلعبوا بالمرجيحة الجديدة
و مكانوش راضيين يقوموا من عليها لحد الساعات الاولى
من صباح السبت
من غير لما يطلبوا مم او امبوه
سؤال غريب او ممكن تكون اجابته منطقية
انهم فى قمة السعادة و الانبساط
بس انا عايز اعرفه مش مشاعرهم اللى كانت تبدو واضحة مشاعر
السعادة
و لكن ايه اللى بيفكروا فيه دلوقتى و اللى دفعهم انهم يناموا
فى اخر اليوم و هما بيتمرجحوا
======
نواجه الآن صعوبة تحالف أحمد و نور على هامش التعاون المثمر
و الدائم و الجلوس لساعات على المرجيحة
هذا التناغم الذى دفعهم للعمل المشترك للمرازية فيا
و جارى الآن مواجهة الموقف
posted by ba7re at
4:50 AM
7 Comments:
و الله سؤال مهم
فعلا الواحد بيحاول يفتكر مشاعره و هو صغير علشان يعرف يعامل ولاده صح
و كان عندى سؤال تانى
هما بيحلموا بإيه يخليه ساعات يعيطوا و ساعات يضحكوا و هم لسه فى الشهر الأول من عمرهم؟
و الله سؤال مهم
فعلا الواحد بيحاول يفتكر مشاعره و هو صغير علشان يعرف يعامل ولاده صح
و كان عندى سؤال تانى
هما بيحلموا بإيه يخليه ساعات يعيطوا و ساعات يضحكوا و هم لسه فى الشهر الأول من عمرهم؟
حلوين اوى
ما شاء الله
سيبك من اجابه الاسئله
Dr. Kafy :
فعلا اسئلة مهمة
حياتهم لغز كبير بالنسبة لينا
على فكرة لما افتكر ايام احلامى لما بدات اكبر شويه و اوعى
قد ايه كانت احلام كبيرة اوى بالنسبة للواحد بس فى الحقيقة هى احلام هايفة اوى
ربنا يسعدهم فى حياتهم يارب
شلبى :
منور المدونة يا باشا
و ربنا يخليك ياباشا
و يرزقك باطفال امامير يارب
Post a Comment
Subscribe to Post Comments [Atom]
<< Home