بنى ادم فى الغسالة

الغربة غسالة
دوارة لفافة
تلف أيامك
تخلى سبتك تلات
و اكتوبر يناير

الغربة غسالة
دوارة لفافة
بتلف فى دماغك
افراحك و احلامك
سنين كمان بتلف
من كى جى 2 للأمس
و كلام فاضى و كلام مليان
و حب استنيته يرضى و هى مرضتش
و صحبة خير فى الخير اتصاحبوا
و عليه بيفترقوا
و ضحكة من جوه قلبى طالعة
مسمعتهاش من مدة
و اصحاب عمر مستنيى اشوفهم
لو تبطلى لف و لو لحظة
و لحظة صفاء على بحر
محروم منه
ده أنا فى غسالة من غير ميه

الغربة غسالة
دوارة لفافة
بتلف بعمرى
ياتخده يااخده
و الحرب بينا اهى دايرة
متدوس استوب يابنى
وقفها و نزلنى
يمكن تريحنى



الغربة غسالة
دوارة لفافة
بتلف و تقلب وشوشكوا قدامى
ملامحكوا وحشانى
ضحتكوا وحشانى
و كلامكوا فى ودانى

الغربة غسالة
دوارة لفافة
بتلف و تقلب فى مواجع حاولت انساها
لحظة فراق فاتت
و قصة حب ماتت
و ورقة فى كشكولى
اتقطعت قبل كلامى
و النظرة هى الدوا
و الكلمة تبقى الشفاء
و لمتكوا شبابى
و البعد شيخوخة ايامى
و الحضن بلدى
و السعادة سكوت وقت لما تعوز
مش صمت لان مش لاقى كلامتى
و الذكريات رنة موبيلى من حد قاعد جوه قلبى

الغربة غسالة
دوارة لفافة
بتلف و نلف
و الأيام بتلف
و التايمر فى أدينا
و يارب منطولش

رجاء لكل من يقرأ هذا البوست
من فضلك دوس استوب على الغسالة قبل ما تدخل كومنت
علشان متغرقش مدونتى

هرتلة موسمية

كل عام و مع اقتراب اشهر الشتاء تصيبنى تلك الحالة من الهرتلة الرومانسية

تقدروا تقولوا عليها حالة بتبدأ من شهر سبتمبر و تنتهى مع منتصف مارس

من أجلِ عينيك

غيّرت كل عاداتي

وطقوس حياتي

وأسماء أيامي

وألوان شروقي وغروبي

من أجل عينيك

بدلت أوقات خروجي ودخولي

وذهابي وإيابي

نسيت مواعيد نومي وانتباهي

وفطوري وغدائي

وأهملت تناول عشائي

من أجل عينيك

تركت كل دروبي القديمة..

وسلكت دروباً جديدة

وشوارع جديدة

وطرقاً جديدة

من أجل عينيك

هجرت كل هواياتي

أجهزتي

كتبي

صحفي ومجلاتي

من أجل عينيك

سئمت رفاقي

فارقت أصحابي

أهملت أصدقائي

وتركت السهر أمام الشاشات الفضية

لأشاهد أفلامي المفضلة

من أجل عينيك

حوّلت حواسيبي

وشاشاتي

وطابعاتي

إلى صناديق سحرية

أجمع فيها لوحاتي

وكتاباتي

ويوميّاتي الوردية

ولكنني من أجل عينيك

ما غيرت مواقيت صلواتي

وما تركت سؤالي وتذللي وبكائي

لربي في السماء

أن يرقق قلب حبيبي

ويقرب اللقاءبيني وبينك

يا وجه القمر

يا ملاكي

======
صاغ بشير الحلاق ما اتمنى فعله يوما ما فى حياتى