!!!!!

هتحلم معانا ؟

قد الرهان ؟

يارب تعجبكم

مفاجأة

شجر البشر

حياة البشر كحياة الشجر
فالشجرة تتكون من ساق و أوراق
و تغذيهما الجذور
و الإنسان يتكون من دين و أخلاق
و صفات تغذيهم الأسرة
و كيان كل أسرة أب و أم
و من هنا يأتى سبب تعظيم الأب و الأم
فى الدين و الدنيا
اذا قامت الجذور بدورها كما يجب
نشأت فروع قويه تتغلب على الصعاب
====
اشعر اننى نبتة شرفها الله و أكرمها بهذه الجذور
رحمك الله يا أمى
اكرمك الله يا أبى
====
اهداءات خاصة جدا جدا
لأمهات فى حياتى
...
زوجات اعمامى و زوجات اخوالى
خالاتى .. عمتى
و صديقات أمى
كل سنة و انتم بخير
...
كل سنة و مامات الألفوية بخير
و بصحة يارب
...

طنط والدة روزاليا
طنط والدة نوفا
كل سنة و أنتم طيبين
فأنتم نماذج لكون الفروع خير صورة عن شكل الجذور
ربنا يديم عليكم الصحة و حب الناس
و ربنا يديم علينا الاقتداء الدائم بيكم
و يخليكوا لينا
====
نسيت أقول
يا شباب
حياة الأم كنز ميحسوش ألا اللى فقدها
ربنا يكرمكم لبر الوالدين
...
نسيت كمان أن كلمة أب و كلمة أم
اعظم من ان الانسان يختار حياته بعشوائية
فأحسنوا اختيار شركاء حياتكم
====

ضاقت فلما استحكمت حلقاتها فرجت وكنت أظنها لا تفرج

ضاقت فلما استحكمت حلقاتها فرجت وكنت أظنها لا تفرج

يا رب أنتظر الفرج من عندك
فلا أمل ألا منك وحدك لا شريك لك

نظرية البالطو

بص يا سيدى

دلوقتى هعرض نظرية البالطو

طبعا كلنا عارفين البالطو

دلوقتى لو أنت لابس بالطو

و حاطط كل متعلقاتك الشخصية جوه جيوب البنطلون

هتعرف تجيبها من جوه الجيب و أنت قافل البالطو

طبعا لأ .. و مش عايز حد يتذاكى و يطلع يقولى آه أعرف

هى دى فكرة النظرية

أن البالطو حائل بينك و بين اللى جواك

أى حاجة + فوقها بالطو مقفول = خيبة أمل

أحلامك لو لسه جواك و قافل عليها البالطو مش هتعرف تعبر عن نفسها و طبعا هتبقى خيبة أمل طول لما العمر بيعدى و أحلامك لسه محبوسة فى البالطو

...

مواهبك لو لسه جواك و قافل عليها البالطو هتبقى خيبة أمل لأن ببساطة المواهب دى زينا عايزة تنطلق و لو فضلت محبوسة جوه البالطو هتتشل و تنتهى

...

طموحك لو قفلت عليه البالطو هتجيلك خيبة أمل لأن الطموح ده هيموت جواك برضه من خنقة قفل البالطو

...

لو طبقنا النظرية دى على أى حاجة هنلاقى ان قفل البالطو فى حياتك مصيبة حاول تخلص منها

...

نظرية البالطو و نظرية النص كم

الاتنين بيتفقوا انهم بيدمروا الحياة

و طبعا انتوا اكيد محتارين دلوقتى

مينفعش البالطو و لا النص كم

طيب ايه العمل ؟

كل حاجة تنفع البالطو و الفانلة و البلوفر اهم حاجة تكون فيه شبابيك و أبواب

تعبر منها عن اللى جواك

=======
قريبا
تدوينة قناعات داخلية

نظرية النص كم

لما قريت تدوينة روزا اللى بعنوان يعنى
اتأثرت بيها اوى
و لقيت نفسى بكتب نظرية النص كم
===========
عارف لما تكون لابس فانلة نص كم فى عز البرد
يبقى أسمك لابس حاجة
بس فى نفس الوقت
و لا ليها قيمة مش هتمنع عنك البرد
هى دى نظرية النص كم و اللى معادلتها بتقول
أى حاجة + نص كم = برد
لو اشتغلت وظيفة نص كم ملهاش مستقبل
و لا بتاخد منها وضع اجتماعى و لا مالى محترم
هتعيش فى برد لأنك مش هتعرف تفتح بيت تتدفى فيه
...
لو اتجوزت جوازة نص كم
متجوز علشان يبقى أسمك
اتجوزت زى كل الناس و خلاص
مأختارتش صح و لا فكرت صح
هتعيش فى برد
لأنك مش هتعيش سعيد
و هتهرب على طول من البيت للشوارع فى عز البرد
...
لو كان هدفك فى الحياة نص كم
أربى العيال و أعيش مستور
و لا هتربى العيال و لا هتعيش مستور من البرد
لأن ببساطة طموحك محدود جدا
و اللى طموحه محدود و لا فى يوم طموحه بيكبر و لا بيوصل حتى للمحدود
======
أوعى تفتكر أن الحل لمكافحة فكر النص كم أنك تلبس بالطو
لأ لأن هنعرض قريب نظرية البالطو و هى متقلش خطورة عن النص كم
----------
المهم أوعى تلبس النص كم فى عز البرد و لو اضطريت ابقى خلى فى جيبك قرصين ريفو

وسادة

احساس عميق بالراحة

شفاك الله شيخنا

هذا الرجل جزاه الله عنا
و عن الإسلام كل خير
الشيخ : محمد حسان
أهم فقهاء و دعاة الإسلام
فى العالم الاسلامى الآن
لما يمتاز به اسلوبه بالاعتدال
بين الترغيب و الترهيب
و بكونه صاحب علم غزير
و لسان بليغ
هذا الرجل ادين له بالفضل
فقد تعلمت منه و اتعلم منه الكثير
يمر شيخنا الجليل
بوعكة صحية شديدة
نتمنى ان تمر على خير
يارب اشفى شيخنا
اخوانى اسألكم الدعاء لهذا العالم الجليل

نسأل الله العظيم رب العرش العظيم ان يشفيه
نسأل الله العظيم رب العرش العظيم ان يشفيه

نحلة ..فرجن جديد

نحلة خلص بنزينها
وقفت تستنى الزق
قعدت تستنى سنين
و لاحد جالها و رد
فضلت فى الدنيا حزينة
تشكى من سوء البخت
فجأة جالها الرد
الرد مش من حد
ده منها هى و بس
ندمت على السنين
و الوقفة من غير فرض
قررت بعد كتير
انها تؤجد حل
كان الحل عظيم
تحكى لأجل النصح :
لو كنت أملك عزيمة
كنت من غير بنزين
و لا الجناحات طرت
فعلا ده الصح
لو عايز تعمل حاجة هتقدر
بس متخفش
===========
كيلو العسل بقى بكام لو سمحت ؟

شعورررررر جميييييييييييل

علشان تقرأ كلامى و تحسه غمض عينك
أنت غمضت ليه أمال هتقرأ أزاى
أنت أى حد يقولك حاجة تصدق ع طول
أتفرج على الصورة و متقوليش رأيك دلوقتى
و تخيل معايا
ماذا تشعر الآن ؟
اشعر أنى املك هذا الكون
اشعر انى مكان هذه الفتاة
كما لو كان البحر سريرى
و فى يدى كتاب اقرأه كعادتى عند النوم
كنت أقرأ قصة عروس البحر
بجمالها و كيف جاءت لتخطفنى
و تنزلنى معها لأعيش فى اعماق البحر
أشعر أن الموج غطائى
ناعم يعطينى دفء عجيب
يشعرنى بالاحتواء
و شاطئك يا بحرى بقطرات مائك
يعطينى ملمس أجمل الوسادات
وطميك اشعر و أنا اتحرك عليه
كما و لو كنت املك اغلى المرتبات
و الشمس باشعتها تعمل كمدفأة
و بخيوط ضوئها تنسج على الشاطئ
أحلى مفارش السرما
شعور جميل
ان تشعر أن هذا الكون حجرتك
أغمض عينى الآن
حقنا أنى اشعر انى مكان تلك الفتاة اشعر بالموج
اشعر بأشعة الشمس
غمض عينك بقى و قولى فى الكومنت حسيت بأيه ؟

أنا و نفسى رجعنا توينز

صالحت نفسى بعد خصام سنين
و قعدنا سوا
و معانا الحنين
و دار بيننا هذا الحديث
بقولك يانفسى شكلك حزين
ردت و قالت ما أنت حبستنى سنين
قولت سامحينى
ده أنتى العمر و السنين
و من غيرك هكون حزين
نفسى يا نفسى
نرجع لزمان شويه
وقت الصفا
و شاى العصارى
و فشاره الجميل
رسمة فى ورقة
رسمة وردة
زى حياتى
حياة الطفل
و زعلت معاكى لما كبرت
و دلوقتى رجعت
هرسم و اكتب زى ما أحب
صافى الذهن
ردت نفسى و قالت : و ماله الصلح خير
=======
وقفة مع النفس

على تلك الشجرة

ثمرة من بين الثمار
تغير لونها من الأخضر إلى الأصفر
و بدت مختلفة
تنظر إليها بعض الثمار نظرة استغراب
فقد تغير لونها دونهم
و جمعيهم على الشجرة فكيف كان ؟
لا تستغربوا فإنها ليست ثمرة فسدت
و وجب قطفها
إنها ثمرة نضجت قبل أوانها
لها نوه كنواتكم
تقطف و تأكل مثلكم
تغلفها قطرات الندى
و حولها اوراق الشجر
و لها من ثمار الاشجار أصدقاء
يحلمون سويا
بخير المطر
تلك الثمرة استوت
و بقت أيامها بينكم مجهولة
فقد صارت مطمع للبشر
و لكنها ستجاهد لتبقى ها هنا
فلن تتنازل عن كونها مثل كل الثمر
لها حقها فى البقاء
و حقا فى معانقة خيوط الفجر الأبيض
و مغازلة شعاع الشمس الأحمر
و لكنها مازالت تنتظر نظرة جديدة
من الثمار المحيطة
إنها ثمرة مثلكم
=======
كتبت عصر اليوم الأول من مارس 2007

على هامش التدوينة السابقة
بلاش شقاوة

كنارى أصفر

طفت البلاد
و خالطت مئات العصافير
بحثا عن عصفورتى
و لما وجدتها
بدأت أحلم بعشنا الدافئ
و الأحلام تكبر و تتعمق
رأيت نفسى و أنا اتنقل بين الأشجار
لآتى بأجود خيوط القش كى أبنى
أحلى قصر
بينما ينظر إلينا باقى الطيور أننا من طيور الكنارى
طيور جميلة ذات احاسيس فياضة
و أصوات عذبة و حلوة الانطلاقة
و لكننى فى ظل ذلك كانت لى مفاجأة صدمة
عصفورتى تنظر لى نظرة طائر صيد
و هل ذنبى أن لونى رمادى يشبهه
هل ذنبى أنى خالطت فى رحلتى طيور جوارح
تعلمت منها كيف أكون قلب كنارى
و يشكل صقر
اتهمتينى يا عصفورتى
بأنى بلا قلب
كل همى الصيد
و لكنك لم تستشفى احاسيسى
فقلبى قلب كنارى أصفر
يلعب و يرقص و يلهو
و كثيرا يبكى
آكل الدنيبة
و لم يصل فمى فى يوم دودة
فكيف أكون طائر صيد
طفت الأشجار
لعلى أنسى
و لكنى أجد نفسى دوما فى عصفورتى
أفكر
و فى خيوط القش أجمع
و الأشجار تتمايل و أخاف ان تسقط
و يبدد حلمى
أنا الكنارى الأصفر
===========
أول خاطرة بعد توقف دام عدة سنوات